Gabonak

Gabonak etorriko dira
ta haiekin urte berria, 
denok gabiltza alai kantari
Gabonak etorriko baitira!!

ZORIONAK ETA URTE BERRI ON!!

Elkar Hazi. Psikomotrizitatea.

Larunbata, abenduak 2, Elkar Haziko lehenengo jolas saioa egin genuen. Haur eta guraso, elkarrekin dibertitu ziren psikomotrizitatea eginez.

Hurrengo saioa otsailak 3an izango da eta esperimentaziorako tartea hartuko dugu.

ANIMATU, ONDO PASAKO DUGU ETA!!

 

Ondo ondo pasau San Andresak!!

Udazkena deguta

San Andresak urrin

talo gozoa jango 

degu danok gurin

gustora gabiltza gu

beti lagunekin 

San Andres egunean

txerritxoak kurrin 

Bertsoa: Juan Inazio Sudupe

 

Lan eta lan

 

Garaiko uzta

Bai zoragarria gure udazkena.
Barrengorriak, onddoak, hurrak ta gaztainak 
dira garai honetan oparo ta bikainak
paseo bat eman eta gero
saskia bete bueltatzen gara bero!

Nerea Mendizabal

Noizean behin ondo etortzen da gure haurren heziketaren inguruan hausnarketa egitea eta gure esku dagoena eta ahal duguna egitea. Horretarako, umearen garapen osasuntsu baterako lagungarri diren pilareei buruz hitz egin zigun Nereak .

Asko ikasten dugu horrelako hitzaldiekin. Eskerrik asko.

Udazken maitea!

Maite dugu udazkeneko giro epela sentitzea eta gelatik kanporako aldapa/eskailera jaistean, gure poza pizten nabaritzea.

Maite dugu udazkeneko haize zoroa aurpegian sumatzea eta haizeak zuhaitzetako hosto guztiak dantzan jartzen ditueneko soinua entzutea.

Maite dugu udazkenean gure eskola inguruko zuhaitzak kolore magikoz janzten ikustea eta eroritako hostoak gure eskutxoekin biltzea, puskatzea, probatzea, gelara eramatea...

Maite dugu udazkenean gure oin artean ibiltzen diren zomorrotxoak deskubritzea, azkarrak, txikiak, gorriak, zortzi hankakoak... Harrigarriak!!

Maite dugu naturak eskaintzen digunaz lagunekin gozatzea.

NEREA MENDIZABAL PSIKOPEDAGOGOAREN HITZALDIA

Urriaren 31n Nerea Mendizabalek Floreaga Salestar Ikastetxean emango duen hitzaldira gonbidatu nahi zaituztegu.

Oinarri sendoa duen haurtzaroaren alde gaia hizpide hartuta, guraso bezala izan ditzakezuen zalantzak edo kezkak argitzen saiatuko da.

Gaia atsegin baduzue, ez izan inolako zalantzarik, ongi-etorriak izango zarete!

• Eguna: urriaren 31n
• Ordua: 17:30ean
• Lekua: Floreaga Salestar Ikastetxeko bideo-gelan
• Hizkuntza: euskaraz

Bertan ikusiko garelakoan, jaso ezazue agur bero bat

Oharra: hitzaldia interesa duen edonori irekia dago.

ESKOLA ETA LAGUNAK

 Jolas, abesti eta soinuen bidez, lagun berriak egiten ari gara!!

Berriro martxan!!

Hemen gara berriro ere! Opor garaia ederki pasa eta gero, itzuli gara eskolara!!!

2016-17 ikasturtea_1

HASI GARA	UDAZKENA	SAN MARTIN	DASTAMENA
ENTZUMENA	UKIMENA	SANTA ZEZILIA	GORPUTZA
SAN ANDRES	USAIMENA	ELKAR HAZI-1	EUSKARA EGUNA
GABONAK	OLENTZERO	ERREGEAK	ELURRA
SAN SEBASTIAN	ELKAR HAZI-2	PSIKOMOTRIZITATEA	SAN BLAS
NEGUA	ATARIAN	IZOTZA	INAUTERIAK
BARATZEAN	HOTZA	APAR FESTA	AGUR NEGUA